بقلم / دكتورة لبني يونس
بعد تداول فيديو “المجند المصري والهربان ، السوداني في مترو الانفاق ” عايزه أقولكم إن الشعب المصري من هذه اللحظة هيوفر على الحكومة والدولة المصرية الكثير ..
*قرار*
الشعب أخد القرار وبدون تفويض من احد ، سوى خوفه على بلده ووطنه فقد استشعر الخطر على بلده ، و إنه هيشتغل بنظام الضبطية القضائية ، بس المرة دي ضبطية شعبية، مع الأجانب على الأراضي المصرية ، نازح بقى ولا لاجئ ولا ضيف، مش فارق المسمى✋
وواضح كده في الفترة القادمه ، إن الناس هتقابل أي حد في الشارع، تعالى هنا أقامتك فين ؟! انتهت ولا لسه ؟! طيب تعالى معايا على القسم أو أجيبلك الشرطة لحد عندك؟! لأ وممكن نطلب أوبر لحد القسم ونوفر على البوكس إنه يطلع✋
طالب المصريين كتير من الحكومة انها تتدخل بما يرضي الحق و الشارع في هذا الملف ،
لأن و مع كامل الإحترام لرؤية الحكومة، كثرة الأعداد في الشارع اصبح ملفت ومرعب وحسسنا بخطر وخوف على بلدنا غير مسبوق، وإن فيه حاجة غلط..فـ أبسط شئ إن الكمين أو فرد الشرطة في الشارع يسأل بس على ورق أي حد أجنبي يشوفه في الشارع.. لو ورقة سليم ودافع تكاليف إقامته ومفيش أي مشكلة قانونية يسيبه ، ولو موجود بشكل غير شرعي، لأ مع السلامة.. يترحل قبل مايعدي عليه يوم تاني،
وللعلم لو اتعمل كده، على اقل تقدير هايمشي اكتر من 90% من الموجودين وبدون مبالغة..
لكن دي وجوه هربانه وبلطجية لا وراها شغلة ولا مشغلة، طول الليل على التيك توك، مقضينها استفزاز للمصريين واشتباك معاهم، والعيشة أرخص والحضارة بتاعتنا وقاعدين بفلوسنا، وشوف مين مسرحهم.. و ياريت قاعدين بأدب لا كمان، بيرازوا في الشعب وخلاص، ويقولك قاعدين بفلوسنا.. ليه كنت بتصرف علينا، ما أنت بتأكل وتشرب نفسك، وأكتر من 90% قاعد هربان، وبعدين سايب بلدك وجاي ليه؟! دافع عنها ولا ده مش في قاموسك ولا جاي هنا تعمل بطل 🤔
المصريين بيحبوا بلدهم أووووي، مش مسموح لأي حد يتطاول على المصري، وببساطة جدًا، بلدنا وإحنا أحرار فيها..
ورسالة للحكومة الموضوع بيتطور.. الناس بتغلي حرفيًا من الملف ده ✋
،،،،،،، ملحوظة ،،،،،،،،
ما فعله المجند المصري، صح 100%، النهاردة اللاجئ بيسأل، وبيحاول يتجاوز في حق الجيش المصري، اللي بيحميه، واللي هو هربان من بلده وعشان معندهمش زيه، بكره بقى يقف يعمل تيك توك قدام القواعد والوحدات العسكرية وبعده جواسيـ.س عندنا.. لا تقطم من أولها
إحنا كـ. مصريين، ربنا يحافظ على بلدنا، بنحترم القانون، وعشان بعض الناس ممكن تمشي في موضوع الضبطية الشعبية دي، لأ خد بالك، ده مش قانوني، برغم ضيقنا جدًا من اللاجئين ، وتعامل الحكومة الغير مُرضي نهائي للشارع.. بس ده مش مبرر إننا نتعامل بعنف معاهم، ولا تشتبك، كلامك مع حكومتك..الدولة تحتكر القوة وتحاسب بالقانون.. لأنها لو اتسابت هيحصل كوارث ومصايب وكل واحد هيفصل قانونه.. والوضع الداخلي هيكون اشبه بفوضى وضحت، والمجند لما أتعامل، إتعامل من منطلق سلطة ممنوحة له بحكم البدلة العسكرية اللي هو لابسها، لأن التاني بيكلمه في أسرار عسكرية تخص امن وطني.
اترك تعليقاً