كلمات
دكتورة لبني يونس
وحشني ضمة امي ليا والحنان
وحشني صوت ابويا جوه البيت يحكي عن طفولته و يقولي كان وكان
وحشني اخواتي وقعدة اللمة وصوت
حليم و الست والحفلات بتاعت زمان
وحشني نفسي اتفرج علي التلفزيون جوه الكرسي لحد ما انام،
وابويا يشلني ويضمني وفي صدره احس بالأمان
وحشني لمة الطبلية وعمايل الكحك و العديه ،
واحشني حبي للحياة ،
واحشني حضوري بكامل قوتي وقعدة حبايبي وصحبتي ،
واحشني ،،،،
روحي، تركيزي ، طاقتي، دنيتي
وحشني ابتسامتي وضحكتي و ماكنش ند مع الايام
واحشني اكون بجد عايشة مش علي هامش الحياة
اترك تعليقاً