صافيناز زادة :
في شاب جنتل مان كده… دخل عمارة شيك جدًا بكل هدوء وأناقة، لا مستعجل ولا متوتر، كأنه رايح زيارة عادية خالص
ركب الأسانسير وطلع لآخر دور… ومن هنا بدأت المهمة.
ابتدى يلم الجزم والكوتشيات اللي قدام الشقق واحدة واحدة، ويحطهم في شنط شيك كده كأنه رايح رحلة!
وبكل هدوء نزل دور دور بالأسانسير… وكل دور ياخد اللي قدام الأبواب، لحد ما جمع تقريبًا جزم العمارة كلها
وفي الآخر خرج بمنتهى الثقة… شنطتين مليانين ومشي في أمان الله
ولما رجعوا لكاميرات المراقبة شافوا المشهد العبقري ده…
مشهد يضحك ويبكي في نفس الوقت!
الخلاصة يا جماعة:
بلاش تسيبوا الجزم قدام باب الشقة…
عشان ممكن ييجي “الجنتل مان” بتاع العمارة دي ويعمل معاكم نفس الجولة السياحية
اترك تعليقاً