جمال المنياوي
سكان المنيا الجديدة يستغيثون ويقولون هو مفيش حد مسئول يرد علينا في اللي بيحصل ده ، مستنيين الصيف ييجي علشان تاخدو قرار زي ده وتخلوها زي الصحراء اي النظريه اللي انتم شايفينها محدش شايفها غيركم في القضاء علي اللون الاخضر اللي السكان بتستظل تحتها من حرارة الصيف، وزي موضوع تشيلو بلدوره الرصيف ونحط بلدوره بشكل مختلف وسايبين المشاكل الاساسيه اللي مبوظة المدينه
مفيش حد من المسئولين بيمشي في الشوارع مثلا يشوف الابداعات ان البيارات الخاصه بالصرف الصحي كلها عاليه علشان تاكل العربيات من تحت وكميه الحفر والتكسير في الاسفلت في الشوارع الجانبيه وفي الشوارع الرئيسية مكسره زي الدوران اللي عند توشيبا يقطم اي عربيه بتلف منه
اعمدة الانار كشافات كتيره محروقه ولا هو مفيش غير صيانه كوبري الأوسط بس
المطبات اغلبها جوه المدينه مش واضحه والناس كلها بتلبس فيهم شويه يفط باضائه وشويه دهانات مش هتكلفكم حاجه بتصرفو علي حاجات اضعاف اضعاف ملهاش لازمه
مشكله الكلاب اللي بقيت في كل المدينه وبتخوف الصغير والكبير
فياريت المسئولين بالجهاز و اللي تم تعينهم في مجلس الامناء يراعو الامانه والضمير ونشوف تغيير في المشاكل الموجوده داخل المدينه الي جانب مشكلة عوفير المواصلات الداخلية .
اترك تعليقاً