تفتكروا ليه في كل مرة إسـ رائيل تدخل حرب تلاقي دولة أمريكا والدول الاوربية واقفين وراها بدون شروط؟
وليه بيتم تعطيل أي قرار ضدها ؟
وليه دايما هي الضحية التي يجيب حمايتها والدفاع عنها في الإعلام الغربي ؟
تعالوا اقولكم ،،،،
الفكرة إنه من فترات طويلة والغرب بيحاول يقنع دول العالم إن علاقته بالكيان مجرد تحالف سياسي زي أي تحالف بين دول.. لكن الحقيقة إن القصة أكبر من كده بكتير .
وهي ان من أول لحظة اتكلم فيها ثيودور هرتزل، مؤسس الحركة الصهـ يونية، عن فكرة إنشاء الكيان كان شايف إنها لازم تبقى جزء من (“حصون أوروبا في الشرق الأوسط، وقاعدة متقدمة تحمي مصالح الغرب ونفوذه في المنطقة” )
ومنذ هذه اللحظة ترسخت الفكره داخل العقل الغربي الي يومنا هذا .
عشان كده في كل حرب او ازمة بيدخل فيها الكيان تلاقي أمريكا وأوروبا بيتحركوا بسرعة ويدافعوا عنها بشكل يخليك تحس إن اللي بيتعرض للخطر مش مجرد دولة حليفة، لكن جزء من الغرب كله .
هنا نفهم إن أي تحالف طبيعي في العالم ممكن يهتز لو طرف أخطأ أو بقى عبء سياسي وأخلاقي ، لكن مع الكيان الوضع مختلف تمامًا لأن الغرب مش بيتعامل معاها كأنها طرف خارجي ، لكنه شايفها امتداد ليه وثابت أساسي في مشروعه ونفوذه بالمنطقة .
و لذلك الإعلام الغربي طول الوقت بيقدم إسـ رائيل باعتبارها واحة للحضارة وسط منطقة مليانة فوضى وصراعات وعدم حريات ، وإنها هي الضحية وسط عالم تالت همجي ودائما محتاجة حماية، حتى وهي (أقوى قوة عسكرية في المنطقة) .
وفي المقابل العربي غالبًا ما بيتحول في الإعلام الغربي الي مجرد أرقام أو خسائر جانبية من غير ما تتنقل الصورة واضحة او قصص أو معاناتة الشعوب المجاورة او المحتلة لها بنفس الطريقة اللي بيتنقل بيها الطرف الاول .
حتى اللغة نفسها في نقل الخبر علي وسائل الأخبار بتفرق لما إسـرائيلي يموت يقولون “قُتـ ل على يد”، لكن لما فلسطيني يموت يقولون “فقد حياته” أو “لقي مصرعه”، وكأن الجـ ريمة حصلت لوحدها من غير مسؤول واضح او مجرد حادث عابر .
وقد عبر السياسيون الغربيون نفسهم عن الفكرة دي بشكل صريح جدًا وأشهر جملة كانت للرئيس الأمريكي جو بايدن لما قال: (“لو لم تكن إسـ رائيل موجودة لكنا مضطرين لاختراعها”) ، وهي جملة كشفت بوضوح إن وجود الكيان ضروري جدا بالنسبة للغرب مش مجرد مصلحة مؤقتة ، لكنه جزء من رؤيتهم للمنطقة وطريقة حفاظهم على نفوذهم فيها.
ولذلك القانون الدولي نفسه بيتوقف أوقات كتيره لما يتكلم عن الكيان بتستخدم أمريكا ” الفيتو” مرات متكررة لمنع أي قرارات ضدها، لأن الغرب شايف إن أي محاسبة حقيقية للكيان ممكن تفتح باب محاسبة لتاريخ طويل من الاستعمار والاستغلال والسيطرة والنفوذ الغربي في العالم كله .
للاسف والوطن العربي يتأمر علي بعضة ،،،
اللهم وحد صفوف المسلمين
وحفظ الله مصر
دكتورة لبني يونس
اترك تعليقاً