متابعة / جمال المنياوي
نقلا من صفحة الاستاذ محمد عبد الجليل لحالة انسانيه ليست الأولي وليست الأخيرة التي يعاني منها الفقراء ويلجاون الي مسؤليين الحكومة اينقذوعم قبل تشرد أسرة ولم مريضه ساكنة الفراش لاحول لها ولاقوة حيث قال الطفل الذي لم يحظي بحياة الطفولة من قرية طبنشا بالمنوفية اسمه يحي محمد والذي واجه المحافظ في مكتبه وقال له يا سـيادة المحافظ.. المـوت بياكل في أمي وأنا مفيش في إيدي حاجة!
يااااه على الوجع لما يسكن قلوب العيال الصغيره.. ويااااه على “المر والذل” لما يخلي طفل لسه بيلعب ، يشيل هم جبال ميهدهاش إلا الصبر!
يحيى.. طفل “مـنوفي” بقلب أسد، لا خاف من العساكر ولا هاب بوابات المحافظة الحديد، وطلب مقابلة المحافظ وقد كان!
وقف قدام “هيبة الكرسي” وهو شايل في عينيه صورة أمه وهي “مدبوحة” بالجلطة على السرير. أم عندها ٢٩ سنة، يعني لسه في عز صباها، بس الزمن استقوى عليها ورمى حملها وحمل عيالها التلاتة على كتاف يحيى.
يحيى مروحش يطلب “عيدية” ولا “شنطة مدرسة”.. يحيى راح يطلب “رجولة” من اللي المفروض يشيلوا عنه. راح يقول للمحافظ: “يا عمو، أمي بتموت قدامي كل دقيقة، وأنا عايز عجلة أو شغلانة تستر عرضنا بدل ما نمد إيدينا للناس!”
الصدمة في “البيت اللي يغم القلب”!
المحافظ لما شاف صدق العيل وجراءته، قلبه انخلع وبعت لجنة فوراً تروح وراه.. وهناك كانت الفاجعة! اللجنة لقت بيت “يحيى” أصغر من إنه يتوصف، حيطان بتنطق بالفقر، وأسرة حالها ميعلم بيه إلا ربنا.
الأم.. “شابة” في عمر الورد، نايمة على سريرها فاقدة النطق والحركة تماماً بسبب جلطة في المخ. يحيى طلع “صادق” في كل دمعة نزلت منه، كان بيوصف حالهم بالمللي.. أم عاجزة، وتلات أطفال أكبرهم يحيى اللي ساب لعب العيال وراح يكلم “الكبار” عشان ينقذ اللي فاضل من ريحة أمه في الدنيا.
يحيى.. البطل اللي هز المنوفية!
يا رب على الصبر اللي في قلبه! طفل بـ ١١ سنة بس قدر يعمل اللي ميعملهوش شحوطة.. فكر وخطط وراح وبادر، مكنش بيشحت، كان “بيحارب” عشان أمان عيلته.
المنوفية كلها النهاردة ملهياش سيرة غير “يحيى”.. البطل اللي خلى المحافظ يسيب مكتبه وينزل بنفسه ويوجه بصرف مساعدات مالية وتموينية فورية. بس يحيى محتاج أكبر من كدة، محتاج “ستر” دايم لأمه اللي ضاع شبابها في المرض، ومحتاج حد يطبطب على كتافه ويقوله: “ارتاح يا بطل.. إحنا جنبك”.
حقك علينا يا يحيى.. إنت اللي علمتنا إن السند مش بالسن، السند بالقلب الشجاع اللي ميرضاش لأمه المهانة.
عنوان يحيى ..بركة السبع محافظة المنوفية قرية طنبشا..يحي محمد عبدالجليل
اترك تعليقاً